Дзеці вайны

Паспяховае, радаснае жыццё для дзяцей - гэта жыццё ў мірнай краіне, з добрымі, клапатлівымі бацькамі. Але не заўсёды так бывае. Колькі разоў бяда ўваходзіла ў дамы людзей, пакутавалі дзеці. Гэта не павінна паўтарыцца!
Менавіта таму 5 кастрычніка ў шосты школьны дзень і быў праведзены вусны часопіс “Дзеці вайны”. Навучэнцы 1-4 класаў даведаліся пра тых дзяцей, якія твар у твар сутыкнуліся з вайной, якія спазналі страх і гвалт, жах і гора, у якіх дзяцінства было апалена вайной. Параўналі ваенны час і мірнае неба над галавой. Яшчэ раз пераканаліся ў тым, што трэба шанаваць подзвіг нашага народа, памятаць і шанаваць тое, што маем.