Наши новости

 Мы  - грамадзяне Рэспублікі Беларусь

       15 сакавіка мы адзначаем дзяржаўнае свята - Дзень Канстытуцыі Рэспублікі Беларусь. Гэта галоўны закон краіны, у якім прапісаны ўсе правы і абавязкі грамадзян і яго абавязаны выконваць усе - і дарослыя, і дзеці.
Дзень у рознаўзроставай групе інтэграванага навучання і выхавання пачаўся з праслухвання і выканання Дзяржаўнага гімна Рэспублікі Беларусь. Пасля дзеці паказалі, якімі ведамі валодаюць пра дзяржаўныя і прыродныя сімвалы Беларусі, гулялі ў дыдактычныя гульні "Складзі выяву і назаві вобласці краіны", "Прыродныя симвалы".
       Дзеці замацавалі ўяўленні аб сваіх правах, якія прапісаны ў Канстытуцыі Рэспублікі Беларусь. У час віктарыны"Пытанне-адказ" дзеці паказалі, як добра яны ведаюць сваю краіну. Нашы дзеці, маленькія беларусы-надзея і апора, будучае Рэспублікі Беларусь - могуць зрабіць нашу краіну магутнай, калі будуць любіць сваіх сяброй, сваіх блізкіх, сваю краіну. Дзеці сталі ў кола дружбы са словамі "Если дружба велика, будет Родина крепка!"

Свята для любых матуль, бабуль

             Сёння, 5 сакавіка, у нашым садзе прайшоў ранішнік, прысвечаны святкаванню Міжнароднага жаночага дня. Напярэдадні свята была праведзена папярэдняя падрыхтоўка: выхавальнікі з дзецьмі чыталі расказы пра маці, праводзілі гутаркі "Прафесіі нашых мам”, “Мая мама самая…”, а на занятках па мастацтву малявалі першыя вясеннія кветкі. Разам з музычным кіраўніком развучвалі песні і танцы, а таксама для любімых мам і бабуль рабілі падарункі. Усюды панавала атмасфера свята.

            Тэматычны тыдзень, прысвечаны 8 сакавіка “Віншуем нашых мам” прайшоў насычана і ярка. Да дзяцей  на свята прыйшлі казачныя героі, якія “па-своему” павіншвалі мам. У нас ўсё атрымалася! Дзеці спявалі, расказвалі вершы, танцавалі з кветкамі і лялькамі, удзельнічалі ў конкурсах і гульнях.

            Свята, несумненна, прынесла ў наш садочак атмасферу радасці і шчасця.

             Са святам Вас, дарагія матулі і бабулі! Будзьце прыгожымі, здаровымі і самымі любімымі!

Са святам, нашы абаронцы!

       23 лютага - Дзень абаронцаў Айчыны і Узброеных Сіл Рэспублікі Беларусь. Выхаванцы рознаўзроставай групы інтэграванага навучання і выхавання віншуюць сваіх татаў, дужых і адважных абаронцаў сваёй сям'і і жадаюць мірнага неба, дабрабыту, моцнага здароўя. Дзеці абяцаюць стаць мужными, вынослівымі, дысцыплінаванымі, клапатлівымі, каб у будучым стаць вайскоўцамі і з гонарам абараняць сваю Радзіму.

Развіваем маўленне з дапамогай … казкі

Як зрабіць так, каб дзеці хацелі гаварыць, расказваць, разважаць? На дапамогу прыходзіць казка, якая заўсёды выклікае ў іх непадроблены інтарэс. Каб прыцягнуць увагу дзяцей да казак у рознаўзроставай групе для гэтага існуе кніжны куток. Малышы могуць у любы час прыйсці сюды і выбраць кнігу для душы.

Тэматыка кніг абумоўлена ўзростам дзяцей і іх інтарэсамі. Нягледзячы на тое, што ім усяго 3−5 гадоў, яны вельмі цікавяцца кніжкамі і іх героямі, з задавальненнем іх бяруць, разглядаюць, “чытаюць”.  Узяўшы кнігу, дзеці пагружаюцца ў чароўны свет казачных персанажаў.

Не праходзіць і дня, каб мы з дзецьмі не прачыталі казку. Дзякуючы гэтаму яны пашыраюць слоўнікавы запас, вучацца зносінам, дыялагічнаму маўленню, задаюць пытанні і адказваюць на іх.

Так, пасля знаёмства з казкай і яе абмеркавання прапаную дзецям для лепшага запамінання сюжэта пагуляць у дыдактычныя гульні “Назаві героя”, “Што спачатку, а што потым?”, “З якой казкі герой?”, “Казачнае лато”. Вялікай папулярнасцю ў дзяцей карыстаюцца серыі апорных карцінак па казках, якія выкарыстоўваюцца пры пераказах.

Пры падрыхтоўцы дзяцей да пераказу апорныя карцінкі дапамагаюць адпрацаваць выраз­насць маўлення, асаблівасці мімікі герояў, іх характар. Дзякуючы сістэмнай і разнастайнай рабоце, нашы выхаванцы ператварыліся з пасіўных слухачоў у актыўных апавядальнікаў, вучацца пераказваць невялікія казкі, адказваць на пытанні, абмяркоўваць учынкі герояў. Малышы з радасцю пераказваюць казкі адзін аднаму, расказваюць іх дома бацькам.

Навагоднія прыгоды     

      Навагоднія прыгоды завіталі ў рознаўзроставыя групы нашай установы разам з вясёлымі карагодамі, займальнымі гульнямі, зімовымі вершамі і цудоўнымі героямі. Як не імкнулася Нехачуха нашкодзіць і не даць запаліць навагоднія аганькі на прыгажуні-ялінцы, яе чарадзейству супрацьстаялі нашы выхаванцы. І дабро перамагло, заззялі навагоднія агні! Няхай іх святло даляціць да кожнай сям'і, а Новы год прынясе ўсім здароўе і шчасце, поспех і дабрабыт! З надыходзячым Новым годам, сябры!

         Зімовыя забавы

         Зімовыя забавы дзяцей заўседы завязаны з узнікненнем такога непаўторнага персанажа, як снегавік. А дзеці рознаўзроставай групы інтэграванага навучання і выхавання нашай установы ў вясёлы карагод запрасілі снегавіка - лесуна. І настрой цудоўны, і рухавыя гульні займальныя разам з такім фантастычным вобразам.

 Зіма-гэта здорава!

        У календары апошнія дні лістапада, але зіма ўпэўненымі крокамі прайшлася па дзіцячай пляцоўцы нашай установы, чым вельмі абрадавала навучэнцаў  рознаўзроставай групы інтэграванага навучання і выхавання. Весела мільгацяць лапаткі  ў час прагулкі, вызваляюць тэрыторыю для гульняў і забаў. Ружавеюць шчокі ад свежага паветра, стараннай працы і адчування карысці для акружаючых ад дзіцячай працы. Колькі б свавольстваў зімы не чакала нас уперадзе, мы з імі абавязкова справімся!

Выхаванцы віншуюць матуль

   Стала добрай традыцыяй адзначаць Дзень маці. Выхавальнікі дашкольнай адукацыі рознаўзроставай групы № 1   падбіралі мастацкую літаратуру, разам з дзецьмі чыталі казкі, вершы пра маму. Развучвалі прыказкі і прымаўкі, разгадвалі загадкі і прыдумвалі іх самі. На занятках па развіццю маўлення расказвалі пра сваіх матуль, падбіралі ласкавыя словы, слухалі песенькі. На працягу тыдня праводзілі гутаркі: “Мая мама лепшая на свеце”, “Як я дапамагаю маме”, “Прафесіі нашых мам”. Успомнілі пальчыкавую гульню “Мая сям’я”. Узбагачалі змест сюжэтна-ролевых гульняў “Мама дома”, “Мама ў краме”, “Мама на працы”, “Сям’я”.

Усе свае добрыя пачуцці дзеці ўклалі ў створаныя сваімі рукамі паштоўкі з пажаданнямі: “Заўсёды любіць, шкадаваць, клапаціцца і моцна абдымаць”.

Хочам павіншаваць матуль са святам. Хай дзеці прыносяць шчасце і робяць наш свет цудоўным і яскравым.

  I зашумiць дубрава...

      Выхаванцы нашай установы у час дзенных прагулак з ахвотай збiраюць жалуды. Добры ўраджай на дубе, што расце на тэрыторыi  ўстановы, даў магчымасць дзецям нарыхтаваць жалуды не толькi для мастацкай дзейнасцi, але i аказаць дапамогу Крэўскаму ляснiцтву ў нарыхтоуцы насення для вырошчвання маладых дубочкаў. Няхай iх унесак у добрую справу вырошчвання лесу стане добрай традыцыяй i яшчэ адным крокам у выратаваннi планеты.

Першага верасня ў дашкалят

    Радасныя пачуцці ад сустрэчы ў першы дзень верасня пасля летняга адпачынку адчулі выхаванцы рознаўзроставай группы інтэграванага навучання і выхавання. Дзеці падзяліліся сваімі ўражаннямі, узгадалі пра самыя запамінальныя моманты лета і з цікавасцю адправіліся ў пазнавальнае падарожжа ў Краіну ведаў.

    Лето - любимая пора года у детей. Это время положительных эмоций, игр с водой и песком, хождение босиком по дорожке здоровья, обливания ног водой. Все это  испытывают и воспитанники разновозрастной группы интегрированного обучения и воспитания нашего учреждения.